كيفاش كيبدا السحر الأسود بحقيقة؟
مايمكنش تحمي راسك من السحر الأسود بلا ماتفهم القوانين لي كيخدم بيها السحر. حيت أغلب الناس كيسحاب ليهم بلي السحر كيبدا غير بالتعاويذ، ولكن الطقوس كتبدا أولا بالتحضير النفسي ديال الساحر براسو. باش يقدر يتعامل مع العالم الروحاني، خاصو يدير تحضيرات ديال الطقوس بحال العزلة، يصوم على الهضرة، وممارسات أخرى لي كتعتابر جزء أساسي قبل أي محاولة باش يتواصل مع العالم الخفي والجن والشياطين.
حيت الساحر كتنطابق عليه القوانين ديال المسحور، كنعاودها: الساحر كتنطابق عليه القوانين ديال المسحور! هو مفروض عليه يتحضر باش يولي بحال شي وعاء، وقبل ما يولي قادر يأثر على برا، خاصو يكون هو قابل باش يتأثر.
علاش السحر كيضرب شي ناس وماكيضربش أخرين؟
على هادشي كاع السحرة عارفين بلي السحر كيعتامد بشكل أساسي على القابلية ديال الشخص المستهدف. الشخص لي مامندابطش والمهلوك نفسيا هو لي عندو قابلية كتر باش يتأثر. الحالة الداخلية ديال الإنسان هي لي كتحكم فـ واش ساهل يخترقوه الطاقات السلبية ولا لا. حيت الفكرة الأساسية ماكتعتامضش غير على استدعاء الكيانات وطلب مصالح منهم، بل كترتاكز حتى على الحالة ديال الشخص لي بغاو يسحروه.
شنو لي كيخليك ساهل تنخترق؟
وداكشي علاش، أخطر حاجة واقعة للإنسان ديال دابا ماشي هي يتعرض للسحر ويقلب على كيفاش تحمي راسك من السحر، ولكن الخطر هو يبعد على الانضباط الداخلي لي كيوفر ليه التحصين من الجن والحماية، ويعيش فـ حالة ديما ديال التشتت العصبي، الإباحية، الخوف، الإدمان، والتحفيز لي ماكيحبسش.
واش الحماية كتحتاج الخوف من الشياطين؟
كاع الأنظمة ديال السحر عبر التاريخ كتعتامد على وجود ثغرات نفسية وروحانية لداخل ديال الإنسان براسو. وهادشي علاش، الحماية الحقيقية ماكتحتاجش الهوس بـ الخوارق والخوف من الشياطين وتفكر فيهم ديما، ولكن خاصك تفهم كيفاش كيوقع الاختراق من الأساس باش تبعد على المس.
شنو هي الحماية الحقيقية من السحر الأسود؟
القاعدة الأساسية هي أنك مايمكنش تحمي راسك بلا توحيد وانضباط. التوحيد كيحرر الإنسان من الخوف والخضوع لـ العالم الروحاني، والانضباط كيمنع الإنسان من الانحراف وكيهرس السيطرة ديال الرغبات لي كتخليه ساهل يخترقوه ويأثرو عليه. إذن، المعادلة ديال الحماية من السحر الأسود بسيطة فـ الأصل: التوحيد والاستقامة على الطريق الصحيح.
— وعي وانضباط —
الآراء والتعليقات