كيفاش تعرف بلي الجني لي كيعلمك شيطان؟
إيلا تواصل شي كيان من الجن مع بنادم باش يعلمو، راه شيطان بضرورة الحال. أعيد: إيلا تواصل كيان من الجن مع بنادم باش يعلمو راه شيطان بضرورة الحال. وهكدا تشنرات المعارف الباطنية والسحر [السحر الكحل والطلاسم] عبر التاريخ، حيت هاد الفكرة فـ الأصل ديالها كتضرب عقيدة التوحيد، فالتوحيد قايم على أن المصدر الوحيد ديال الهداية والعلم هو الوحي الإلهي ماشي الجن أو التجارب الخاصة د بنادم.
علاش تعلّم من الجن كيضرب عقيدة التوحيد؟
وملي كيجيك كيان ما كيتشافش [الكيانات الماورائية والأرواح] باش يعطيك معرفة معينة أو معلومات على شي موضوع، راه الهدف ديالو يحط مصدر موازي للوحي وهادي هي البداية ديال الانحراف وتعلّم السحر، وهادشي كنقشاوه تاريخياً عند أصحاب القبالة والثيوصوفيين والسحرة الكبار بحال بلافتسكي وأليستر كراولي، لي بناو مَندومة كاملة على تعاليم جاوهم من كيانات خفية.
شكون من السحرة بنى مندومتو على تعاليم ديال الجن؟
كراولي مثلاً شد المندومة السحرية ديالو وثيليما [طقوس ثيليما السحرية] كاملة من شيطان تواصل معاه فـ الأهرامات ملي زار مصر. وبلافتسكي كانت يومياً كتلقى تعليمات من الجن، وكتابها العقيدة السرية كامل خداتو من الجن [تحضير الشياطين والاستبصار].
واش الرقاة تايطيحو فنفس الفخ؟
واليوم، كاين بعض الرقاة لي كيتلقاو معلومات وطقوس من الجن، وبـ هاد الطريقة كيتمرروا أفكار كتخالف التوحيد تحت غطاء الحكمة الخفية وتعليم النخبة، وهاد تعليم النخبة فالحقيقة جى من الشياطين ومن أهمها الكابالا [سحر الكابالا والعهد القديم].
علاش الشياطين ماكتحاولش تعلّم المؤمن؟
القاعدة لي ما عارفينهاش الناس، هي أن الشياطين باش تقرب من شي مؤمن شاد فـ التوحيد والمنهج الصحيح ما كتحاولش كاع تعلّمو شي حاجة، داكشي علاش فـ الروايات كنلقاو بلي الشيخ ابن باز رحمه الله كان الجن كيجلسو يتعلمو منه بلا تواصل مباشر، وواحد من الجن طلب منه الإذن باش يتعلم منه العلم الشرعي ماشي باش يعلمو هو! هاد الجن هنا مسلم، ومصدر العلم بقى ثابت لي هو القرآن والسنة.
شنو هو الفرق الحقيقي بين الحالتين؟
وهنا كيبان الفرق الحقيقي: فـ الحالة الأولى كيتصنع مصدر معرفة بديل كيزاحم الوحي وهادشي هو الجوهر ديال السحر والانحراف العقدي [الشرك والضلال]، أما فـ الحالة الثانية ما تبدلوش المصادر وما تمسّتش عقيدة التوحيد، يعني القضية ماشي غير التفاعل، بل الاتجاه ديال هاد التفاعل بين الإنس والجن، وأي طريق كيبدأ بـ قبول معرفة صغيرة من مصدر غير مشروع، كيسالي بـ بناء مَندومة كاملة خارج العقيدة الصحيحة.
المراجع
مصادر تعريفية بالأعلام والكتب المذكورة أعلاه.
— الوعي هو الدرع الأول والأساسي —
الآراء والتعليقات